పాటపై విశ్లేషణ బాగా జరిగింది.
మంచి విషయాలు తెలిసినయ్

అన్నమయ్య ఈ కృతి కి ఉద్దేశ్యం కూడా చైతన్య కృష్ణ గారన్నట్టు శృంగార పరంగానే ఉండవచ్చునేమో.

ఈ కృతి నాకు కూడా చాలా ఇష్టం.

జ్యోతిష పరిజ్ఞానం ప్రకారం రాశుల మైత్రి ఉందేమో అని ఊహించడంలో మాత్రం మీరన్నట్టుగానే నేను లేని క్రమాన్ని చూడడానికి ప్రయత్నించాను బహుశా.

ఇంతక ముందొకసారి నేను ఈ వరుసని గమనిస్తే నాకు పెద్ద క్రమం కనిపించలేదు. మొదటి నాలుగు పై నుంచి క్రిందకి వర్ణించుకుంటూ వస్తున్నట్టు అనిపిస్తుంది (ధనస్సు-కనుబొమ్మలు, మీనం-కళ్ళు, కుంభం-చన్నులు, సింహం-నడుము). మిగతావి మొత్తం శరీర లక్షణం చెప్పినట్టు ఉంటాయి కానీ మధ్యలో పెదాల(మేషం) వర్ణన ఉంటుంది. కాబట్టి ఈ రకమైన గ్రూపింగ్ కూడా కాదు. కాకపోతే అన్నమయ్య కీర్తనల్లో, ముఖ్యంగా శృంగార కీర్తనల్లో వేంకటేశ్వర స్వామి ప్రస్తావన చివరి చరణంలో నాయికా నాయకులను కలుపుతూ ఉంటుంది. కాబట్టి మిథున రాశిని చివరి చరణానికి అట్టిపెట్టాడని అనిపిస్తుంది.

నాకున్న అతికొద్దిపాటి పాశ్చాత్య జ్యోతిష్యశాస్త్ర పరిజ్ఞానం ప్రకారం కూడా ఈ రాశుల మధ్య పెద్ద మైత్రి ఉన్నట్టు కనిపించట్లేదు. కాకుంటే ఈ విషయంలో నా పరిజ్ఞానం స్వల్పం కాబట్టి మీ ముందు కుప్పిగంతులు వేయలేను. జ్యోతిష్య శాస్త్రంలో అప్పటికి, ఇప్పటికి భారీ మార్పు వచ్చుంటుందని అనుకోను. అందులో లేని క్రమాన్ని చూడటానికి ప్రయత్నిస్తున్నామేమో.